Ngayong nalalapit na ang Pasko, nagsisimula na ang karamihan sa paglalagay ng iba't ibang Christmas decorations sa kani-kanilang mga tahanan.
Inaabangan din sa social media ang mga ibinabahaging Christmas trees ng mga artista at kilalang personalidad, gaya ng actress at host na si Kim Chiu.
Sa panayam ng It's Showtime host sa press sa naganap na Christmas campaign shoot ng isang popular e-commerce platform, ikinuwento niya ang nais niyang tema para sa kanyang Christmas tree ngayong taon.
“Every year kasi iba-iba 'yung mood ko for the year, kung ano 'yung pinapasalamat ko talaga. Siguro this time, ang gusto kong Christmas tree is color white kasi gusto ko talaga ay tahimik, payapa, and more peace, and contentment in life,” pagbabahagi niya.
Noong 2023, matatandaan ang kakaibang Christmas Tree ni Kim dahil sa upside down o inverted na posisyon nito.
Bukod dito, ibinahagi rin ng aktres na wala siyang eksaktong budget para sa mga ireregalo dahil aniya'y ang Pasko ay panahon ng pagbibigayan at isang selebrasyon.
ID: 22096
LINK: https://www.gmanetwork.com/entertainment/photos/how-local-stars-and-personalities-decorated-their-2024-christmas-trees/22096/