Ania ang ikaduhang hugna sa atong Super Suroy nga nagpa-ila ila sa katahum sa Sipaway Island nga sakop sa San Carlos City, Lalawigan sa Negros Occidental.
Sa wa masuheto ang Sipaway Is. natung-an sa lalawigan sa Sugbo ug mainland Negros nga 15 minutos lang ang biyahe sa sakayan gikan sa San Carlos City.
Sa part 2 niining atong Suroy, dugang nga mga lugar nga dili angaya’ng sipyaton kon makasuroy kamo sa maong isla.
ILIGAN PUBLIC BEACH
Ang among pagpanuroy lahos na ngadto sa Iligan Public Beach, diin ang asol nga dagat nagtagbo sa puti nga mga balas.
Akong tambag ayaw kalimti ang inyong sunscreen kay dili nimo masinati ang silak ug kainit sa adlaw tungod kay malingaw ka sa beach nga maka-chill ug relax.
Mahimo kang magpahangin ug magpabugnaw sa paglangoy sa dagat.
PAGKAON
Human natagbaw ko sa paglibot sa isla, masuwayan usab ang mga lokal nga delicacy o pagkaon sa Sipaway Island. Gikan sa presko nga seafood hangtod sa tradisyunal nga mga pagkaon masulayan nga giandam ug idalit sa mga guides gikan sa SETWA.
Ang mga tanyag sa culinary sa isla nagpakita sa madasigon nga kultura ug suod nga komunidad.
HOME STAY
Nagtanyag ang Sipaway Island og lainlaing mga kapuy-an, depende sa guest.
Adunay Whispering Palms Island Resort nagbarug isip usa ka sikat nga dive resort nga adunay mga rate sa kwarto nga nagsugod sa P2,500 matag gabii, daghang mga bisita ang nagpili sa mga home stay.
Kini nga mga homestay, nga gi-regulate sa lokal nga opisina sa turismo, nagtugot sa mga bisita nga ipatagamtam ang kinabuhi sa isla. Sa kadtong nangita'g mingaw, ang tree house.
SETWA
Gipasigarbo sa Isla sa Sipaway ang usa ka adunahan nga ecosystem ug ang SETWA dako og papel sa pagpanalipod sa kinaiyahan, sama sa mga mangrove forest. Ang mga bakhaw mahinungdanon alang sa pagpanalipod sa baybayon, pangisda, ug himsog nga biodiversity.
Sa pag-book sa imong Sipaway Island getaway, duawa lang ang San Carlos City Tourism Office alang sa dugang nga impormasyon, rates, ug availability.
Kon mopili ka og komportable nga homestay o usa ka beachfront resort, ang Sipaway Island maghatag og dili makalimtan nga kasinatian sa ecotourism nga padayong gipanalipdan ang kinaiyahan alang sa malambuon nga komunidad. /